Historia e bektashizmit dhe veprimtaria fetare e dy liderëve udhëheqës të këtij besimi, Dedë Ahmet Myftari dhe Dedë Reshat Bardhi tashmë vijnë të pasqyruara në një libër, të titulluar “Dyert e Hapura të Mallakastrës”.
Autori, Syrja Xhelaj, sjell përmes këtij libri dëshmi mbi qëndrimet e dy Kryegjyshërve për kohën e vështirë kur shërbenin në Teqenë e Drizarit në Mallakastër, në një nga periudhat më të vështira të Shqipërisë për sa i përkiste besimeve fetare, atë të komunizmit, konkretisht rreth viteve 1958- 1967.
Puna 15-vjeçare ka qenë frytdhënëse për autorin, pasi përmbledhja e fakteve mbi këto figura kryesore të bektashizmit, është shumë e rëndësishme për t’u dokumentuar, në mënyrë që brezat e rinj të njihen më shumë me këtë besim fetar.
Libri u promovua në mjediset e Selisë së Shenjtë Bektashiane në Tiranë, në prani të klerikëve, besimtarë dhe studiuesve.
