Me ardhjen e shumë pushuesve të huaj në Shqipëri kanë ndryshuar edhe format e urgjencës mjekësore. Krahas traumave nga aksidentet dhe problemeve nga sëmundjet e zemrës, vitet e fundit mjekët po përballen me urgjencat e përdorimit të alkoolit dhe substancave të tjera gjatë festimeve të ndryshme.
“Kemi shumë të rinj të huaj që kanë ardhur në Shqipëri për pushime dhe gjatë festimeve kanë konsumuar shumë alkool dhe substanca narkotike të cilët kanë kërkuar ndihmën e urgjencës kombëtare për ti asistuar me terapi dhe për ti rehabilituar” thotë shef i urgjencës kombëtare mjekësore Skënder Brataj
Organizimet festive ku përdorimi i drogave dhe alkoolit bëhet me tepri ka sjellë në urgjencën e toksikologjisë shumë turistë të huaj këtë sezon. Mjekja toksiokologe Esmerlada Thoma pohon se rastet janë të përditshme.
“Dihet që organizimet festive , nëpër festa, drogat përdoren gjerësisht madje ajanë disa lloj drogash që konsiderohen drogat e festës. Sigurisht që Shqipëria nuk mund të mungojë në këto raste. Patjetër që kur ka festa dhe festivale , përdorimi i alkoolit është në sasi shumë më të lartë, përdorimi i drogave gjithashtu për vetë natyrën e këtyre koncerteve dhe njerëzve që i frekuentojnë koncertet. Të huaj që vijnë në urgjencë që vijnë në urgjencë dhe kërkojnë asistencë mjekësore për çdo lloj problemi, edhe për problemin e alkoolit, për problemin e përdorimit të drogave , vazhdojmë të kemi çdo ditë të urgjencë pavarësisht faktit se është një festë apo koncert. Kemi përditë raste të huajsh në urgjencë” thotë Esmeralda Thoma, toksikologe, QSUT.
Sipas të dhënave të ministrisë së Shëndetësisë shumë të huaj kanë kërkuar ndihmë shëndetësore edhe në qendrat verore të hapura enkas për sezonin turistik , kryesisht në plazhet e jugut.
