Kryetari i PDK-së, Memli Krasniqi, zhvilloi të shtunën një takim në Hagë me ish-krerët e Ushtrisë Çlirimtare të Kosovës, Hashim Thaçi e Kadri Veseli.
Lajmin e ka bërë të ditur vetë Krasniqi, nëpërmjet një shkrimi në llogarinë e tij në Facebook.
Sipas tij, liria e Kosovës ishte lufta dhe misioni i tyre.
“Sot, në Hagë, vizitë çlirimtarëve tanë, Hashim Thaçit dhe Kadri Veselit, për të shprehur edhe një herë respektin dhe mirënjohjen për kontributin e tyre historik. Liria jonë – ishte lufta e tyre. E ardhmja jonë – ishte misioni i tyre. Kosova – ishte dhembja dhe dashuria e tyre. Dje, sot e përgjithmonë – ata janë krenaria jonë.“- shkruan Krasniqi.
