Ndërtesat e larta në qytete po bëhen gjithnjë e më të shumta, duke ndryshuar totalisht horizontin dhe pamjen e qendrave urbane ku ngrihen.
Këshilli për ndërtesat e larta dhe habitatin urban përditëson në mënyrë të përpiktë renditjen e ndërtesave më të larta në botë, duke marrë parasysh elementet arkitekturore strukturore.
Burj Khalifa, Dubai (829.80 metra)- Ndërtesa më e lartë në botë është Burj Khalifa. Ndërtesa karakterizohet nga plani i saj në formë ‘Y’, i frymëzuar nga forma e lules së ‘hymenocallis’, një gjini bimësh që është e përhapur në Dubai.
Merdeka 118, Kuala Lumpur (678.90 metra)- Brenda Merdeka 118 ka 100 kate që jepen me qira nga kompani private ku 83 kate përdoren për zyra të kompanive të ndryshme, 12 janë dhoma hoteli dhe pesë katet e mbetura janë të zëna nga një qendër tregtare.
Kulla e Shangait, Shanghai (703 metra)- Kulla e Shangait qëndron ndër ndërtesat më të larta në botë. Përveç kësaj, ashensorët e tij janë më të shpejtët në botë me një shpejtësi maksimale prej 74 kilometra në orë.
Abraj Al Bait, Mekë (601 metra)- E vendosur në Arabinë Saudite, Mecca Royal Hotel Clock Tower mban rekordin si hoteli më i lartë në botë, por edhe si ndërtesa me sahat kullën më të lartë në botë dhe orën më të madhe të fasadës.
Ping An Finance Center, Shenzhen (599.10 metra)- Plani origjinal për këtë ndërtesë përfshinte ndërtimin e një majë, e cila do të kishte rritur lartësinë e përgjithshme të ndërtesës në 660 metra megjithatë, për shkak të kufizimeve që lidhen me aeroportin e afërt të Shenzhenit, maja nuk u realizua.
