Një muaj pasi u shtrua në kujdes intensiv për shkak të një infeksioni bakterial, këngëtarja e famshme e popit, Madonna, duket se është në gjendje më të mirë shëndetësore.
Ajo ka reaguar nëpërmjet një postimi në Instagram, ku shkruan se ndihet me fat që është gjallë. Po ashtu ajo falënderon edhe të afërmit e saj për kujdesin, veçanërisht fëmijët.
“Dashuria nga familja dhe miqtë është ilaçi më i mirë. Si nënë, është e lehtë të kapesh pas nevojave të fëmijëve të tu, por fëmijët e mi ishin vërtet aty për mua. Unë pashë një anë të tyre që nuk e kisha parë kurrë më parë. Faleminderit të gjithë engjëjve të mi që më mbrojtën dhe më lanë të qëndroj për të përfunduar punën time”, shkroi ajo.
Madonna ka një vajzë, Lourdes Leon, me Carlos Leon dhe një djalë, Rocco Ritchie, me regjisorin Guy Ritchie. Ajo është gjithashtu nënë e katër fëmijëve të birësuar – David Banda, Chifundo “Mercy” James dhe binjakëve Stella dhe Estere./ CNN
