Njëmbëdhjetë persona rezultojnë të zhdukur pas zjarrit që përfshiu një shtëpi pushimi në Francën lindore mëngjesin e sotëm.
Zjarri ra rreth orës 6:30 të mëngjesit në Wintzenheim, një qytet i vogël afër kufirit gjerman.
Shtëpia strehonte personat me aftësi të kufizuara gjatë pushimeve verore. Grupi kishte qenë për vizitë në qytetin Nancy, tha prefektura e Haut Rhin në një deklaratë.
Ministri i Brendshëm, Gerald Darmanin, tha se viktimat nga zjarri nuk u arritën të shpëtoheshin “me gjithë ndërhyrjen e shpejtë dhe të guximshme të departamentit të zjarrfikësve”.
Kryeministrja Elisabeth Borne tha se do të shkonte në vendngjarje dhe se “mendimet e mia të para janë me viktimat dhe të dashurit e tyre”.
