Forcat detare të mbështetura nga perëndimi në Lindjen e Mesme paralajmëruan të shtunën anijet që udhëtojnë nëpër ngushticën strategjike të Hormuzit, që të qëndrojnë sa më larg nga ujërat territoriale iraniane, në mënyrë që të shmangin kapjen e tyre. Paralajmërimi i ashpër vjen rritjes së tensioneve mes Iranit dhe SHBA-së
Një paralajmërim i ngjashëm iu drejtua transportuesve detarë edhe në fillim të këtij viti përpara se Irani të kapte dy cisterna që udhëtonin pranë ngushticës, që është gryka e ngushtë e Gjirit Persik, përmes së cilës kalon 20% e naftës në botë.
Ndërsa Irani dhe SHBA janë afër një marrëveshjeje që do të zhbllokonte miliarda dollar asete iraniane të bllokuara në Korenë e Jugut, në këmbim të lirimit të pesë iranio-amerikanëve të ndaluar në Teheran, gjithësesi paralajmërimi tregon se tensionet mbeten ende të larta në det.
Tashmë, SHBA po eksploron plane për të vendosur trupa të armatosura në anijet tregtare në ngushticë për të penguar Iranin që kapë anije përmes një grumbullimi trupash, anijesh dhe avionësh në rajon.
Komandanti i Marinës Amerikane, Timothy Hawkins, një zëdhënës i Flotës së 5-të me bazë në Lindjen e Mesme, pranoi se paralajmërimi ishte dhënë, por nuk pranoi të publikonte detaje rreth tij.
Një grup detar i mbështetur nga SHBA i quajtur Ndërtimi Ndërkombëtar i Sigurisë Detare “po njofton marinarët për masat e duhura paraprake për të minimizuar rrezikun e konfiskimit bazuar në tensionet aktuale rajonale, të cilat ne kërkojmë t’i de-përshkallëzojmë,”- tha Hawkins. “Anijet janë duke u këshilluar që të kalojnë tranzit sa më larg nga ujërat territoriale iraniane.” Apnews
