Bota po ndryshon me një ritëm shumë të shpejtë aq sa hendeku midis përvojës së botës së brezave po rritet gjithnjë e më shumë.
Tashmë ka kaq shumë gjëra që brezat e ardhshëm nuk do t’i kuptojnë kurrë për jetën para internetit.
Çelësat metalikë – Siguria e bazuar në teknologji ka qenë në rritje prej vitesh dhe me ardhjen e sistemeve pa çelës, njohjes së fytyrës/gjurmëve të gishtave dhe kyçjeve elektronike ka pak arsye që çelësat metalikë të janë të pranishëm.
TV kabllor – Platformat e transmetimit kanë ndryshuar rrënjësisht përvojën tonë të televizorit. CEO i Netflix, Reed Hastings pretendoi se kablloja tradicionale do të zhduket pas pesë deri në 10 vjet, raporton Best Life, gjë që u bë jehonë edhe nga CEO i Roku, Anthony Wood.
Telekomanda – Shumë besojnë se komandat zanore dhe kontrolli i telefonit inteligjent do t’i heqin telekomandat nga qarkullimi në të ardhmen e afërt.
Fjalëkalimet –Të gjithë e dinë vështirësinë për të mbajtur mend fjalëkalimin tuaj, por me shumë mundësi ato mund të zhduken së shpejti. Teknologjitë e reja pa fjalëkalime, të tilla si verifikimi ndërmjet pajisjeve kanë filluar të shfaqen dhe do të ketë mbrojtje më të madhe të të dhënave personale duke siguruar gjithashtu që nuk keni nevojë të mbani mend të gjitha fjalëkalimet tuaja të ndryshme.
Tabelat – Dërrasa e zezë dikur ishte revolucionare për ripërdorimin e saj. Por më pas erdhën dërrasat e bardha dhe tani ka tabela inteligjente që përdoren gjithnjë e më shumë në klasa pasi mund të ruhen dhe ndahen madje ato ofrojnë shumë më tepër mjete multimediale.
Kartat e kreditit – Kartat e kreditit po zëvendësohen gjithnjë e më shumë nga pagesat dixhitale përmes telefonit. Pagesat dixhitale janë më të shpejta, më të përshtatshme dhe më të sigurta me vërtetimin e integruar, monitorimin dhe enkriptimin e të dhënave
