Kryeministri Edi Rama ka hedhur akuza ndaj opozitës dhe mediave nga Asambleja Kombëtare e Partisë Socialiste, duke thënë se ata janë persona pa din e pa iman që flasin keq për Shqipërinë.
Komentet Rama i bëri gjatë fjalës së tij në Asamblenë Kombëtare të PS-së, ku teksa ishte duke folur për turizmin gjatë këtij sezoni, i quajti opozitarët si përqeshës gjuhëjashtë që çudisin edhe të huajtë që vizitojnë vendin tonë.
Rama tha ndër të tjera se askush nuk mund ta mendonte disa vite më parë që vendi ynë do të kishte këtë lloj trendi të turistëve të huaj.
“Kur unë flisja për Tepelenën Turistike, më besonte vetëm Tërmeti dhe Goliku. Të cilët nuk besonin se do të shihnin vajza apo djem spanjollë në këto zona, ndërkohë që këtë vit, në këto zona shkoje vetëm me rezervime.
Tirana, kryeqyteti ynë i betonizuar dhe i mbytur nën hijen e kullave të krimit, ku dëgjohen akuzat politike e mediatike, sikur këtu nuk jetohet, kryeqyteti që dikur në korrik banohen vetëm nga punëtorët e shtetit, këtë vit u mbulua nga turistët, duke sjellë të ardhura përmes fenomentit të qiradhënies përmes airBNB. Madje edhe në zonat e Kumes në Vlorë, këtë vit dilnin turistë që kishin marrë shtëpira me qira. Aeroporti i Tiranës, njësoj si Aeroporti i Beogradit. Nga koha e mëparshme duket sikur kanë kaluar 100 vite. A jam i lumtur? Jo.
Tirana dhe Shqipëria sot kanë hyrë në hartën turistike të Europës, pa shpenzuar asnjë qindarkë. Sot për Shqipërinë flasin keq vetëm ata që janë pa din e pa iman, duke i lënë pa gojë edhe të huajt, kur i pyesin se çmendojnë këta përqeshës gjuhëjashtë për vendin e tyre. Kur të gjithë ata persona që vijnë nga Europa dhe bota dhe gjejnë kaq pasuri të larmishme dhe një siguri mbreslënëse që nuk ka lidhje me legjendat”, është shprehur Rama.
