poezi nga Xhevahir Spahiu
I thanë fjalës: tani je e lirë.
Po fjala s’kish fuqi t’u thosh: nuk mĂ« duhet.
E ç’mĂ« duhet
kur s’u thashĂ« atĂ«herĂ« kur duhej?
Kam mbetur pa krahë,
kam mbetur pa qiell,
jam jetë pa ëndërr,
jam ëndërr pa jetë.
I thanë fjalës: je e lirë.
Vështirë, tha fjala, sa vështirë
të besosh se je e lirë;
pasi ke ngrënë rrokjet e tua,
pasi ke mbetur cung dhe liria bëhet burg.
I thanë fjalës: liria jeton. Fjala ua ktheu:
S’jam si Kostandini qĂ« pas vdekjes udhĂ«ton.
I thanë fjalës: ti je liria.
Për ta kuptuar këtë të duhet fare pak.
Ajo e besoi, ajo hapi gojën,
po në vend të tingujve
prej saj doli gjak.
21 shkurt 1986
