Në Librazhd u organizua sot “Festa e Mjaltit”, ku morën pjesë shumë fermerë nga rrethinat, të cilët sollën jo vetëm mjaltë cilësor, por edhe produkte të tjera bio të zonës.
Në aktivitetin e zhvilluar ishin të pranishëm deputetja e qarkut të Elbasanit, znj. Evis Kushi dhe kryetari i bashkisë së Librazhdit, Mariglen Disha.
Znj. Kushi ka shpërndarë në rrjete sociale momente nga aktiviteti, të cilin e cilëson si një mundësi të shkëlqyer për të promovuar produktet dhe vlerat e zonës.
Postimi i plotë i znj. Evis Kushi
Festa e Mjaltit në Librazhd, e kthyer tashmë në një traditë të bukur disavjeçare, na mblodhi në qendrën e rilindur të qytetit së bashku me kultivues të bletës, fermerë e prodhues bujqësorë e blegtoralë, si një mundësi e shkëlqyer për të promovuar produktet dhe vlerat e zonës, për të nxitur zhvillimin e ekonomisë lokale, por edhe për më shumë atraksion turistik.
Suksese kryetarit të ri, Mariglen Disha dhe stafit, në vijimin e punëve të mira dhe arritjet në këtë bashki!
