Ministri për Evropën dhe Punët e Jashtme, Igli Hasani ka bërë të ditur se Shqipëria përfundon sot presidencën e saj të dytë dhe të fundit në Këshillin e Sigurimit të Organizatës së Kombeve të Bashkuara.
Përmes një publikimi në rrjetin social ‘X’, Hasani shkruan se presidenca shqiptare në Këshillin e Sigurimit ka pasur në fokus të veçantë urgjencën për të mbështetur ligjin ndërkombëtar dhe kartën e OKB-së në mënyrë që përshpejtohet ndihma humanitare në mbarë botën.
“Shqipëria përfundon sot presidencën e saj të dytë dhe të fundit të KS-së të OKB-së. Me fokus të veçantë në urgjencën për të mbështetur ligjin ndërkombëtar dhe Kartën e OKB-së për të përshpejtuar ndihmën humanitare në mbarë botën. Shqipëria është krenare që ka mbajtur me sukses peshën e drejtimit të KS të OKB-së në periudha kaq kritike”, shkruan Hasani.
