Kryetari i Partisë Demokratike, Lulzim Basha ka deklaruar se është në mbështetje të SPAK në luftën kundër krimit të organizuar dhe korrupsionit në nivele të larta.
Me anë të një postimi në rrjetet sociale, Basha shprehet se ‘fundi i pandëshkueshmërisë është fillimi i ndryshimit të vërtetë për shqiptarët’.
Basha thekson se ‘çdo përpjekje e krimit të organizuar me mbështetje apo syshkelje politike për të intimiduar apo shënjestruar SPAK është destinuar të dështojë’.
REAGIM I LULZIM BASHËS
Partia Demokratike mbështet fuqimisht dhe pa asnjë rezervë luftën kundër krimit të organizuar dhe korrupsionit në nivele të larta. Fundi i pandëshkueshmërisë është fillimi i ndryshimit të vërtetë për shqiptarët.
Çdo përpjekje e krimit të organizuar me mbështetje apo syshkelje politike për të intimiduar apo shënjestruar SPAK është destinuar të dështojë. Kushdo që luan pisët me qëllim njollosjen e SPAK është i paralajmëruar: PD në krah të aleatëve strategjikë është në mbështetje të SPAK.
