Drejtuesi i faqes PAMFLETI ka reaguar për herë të parë pas ngjarjes së rëndë të ndodhur në Tiranë.
Ai thotë se ndihet më i motivuar dhe njofton agresorët e tij se nuk do tërhiqet cilatdo qofshin pasojat.
“Gjithkush mendon se mund të më mposhtë në luftën time për të vërtetën: Gabon! Kurrë dhe për asnjë arësye nuk terhiqem…
Çdo sulm ndaj meje, më motivon më shumë në rrugën për të vërtetën në këtë vend…
U përpoqët me presione dhe nuk ja arritët; u përpoqët me gjyqe, nuk ja arritet; u përpoqët të më denigroni dhe të më tërhiqni në prehrin e tallavasë, prapë nuk arritët; më sulmoni si cubat të fshehur pas makinave; nuk do ja arrini kurrë dhe për asnjë arësye…
Nuk kam as frikë e as droje; cubat godasin pas shpine, trimat dalin përballë… Jam shumë më i fortë se ju mendoni…
Falenderoj të gjithë miqtë që u interesuan për shëndetin tim… Jam mirë dhe më i fortë se kurrë!” – shkruan Zefi.
Nderkohe ka reaguar Ministri Balla: Gjithçka për të gjetur autorët
Ministri i Brendshëm, Taulant Balla ka komunikuar në telefon me Gjergj Zefin, administratorin e portalit “Pamfleti”, i cili u godit me sende të forta nga persona ende të panjohur në rrugën “Bardhok Biba”, në Tiranë.
Mësohet se ministri Balla i ka garantuar Zefit se policia do të bëjë gjithçka për të gjetur autorët dhe për t’i vënë para drejtësisë. Zefi po merr ndihmën mjekësore.
Ndërkohë policia njoftoi se me marrjen e njoftimit, është ngritur grupi i posaçëm hetimor, e nën drejtimin e Prokurorisë vijon puna për sqarimin e rrethanave të ngjarjes dhe kapjen e autorëve.
