Një zjarrvënie e cila dyshohet të jetë e qëllimshme ka djegur një hapësirë me ullishte dhe bimësi të zonës pranë rrugës nacionale që të çon drejt fshatit Babicë të Vlorës.
Zjarri dyshohet të jetë vënë nga banorët e zonës, ndërsa në zonë kanë shkuar menjëherë forcat e zjarrfikëses, të cilët po luftojnë me flakët.
Gjithçka bëhet më e vështirë nga kushtet e motit, pasi era e fortë favorizon përhapjen e flakëve.
Fatmirësisht, zjarri është ende shumë larg zonave të banuara, ndonëse flakët rrezikojnë të përhapen duke djegur më tej hapësirat me ullishte.
