Ariel Rraja, nipi i ish-deputetit Rrahman Rraja ka rënë në prangat e Policisë së Tiranës, pasi iu gjet sasi kokainë në makinë.
Mësohet se 22-vjeçarit nga fshati Nikël i Krujës iu gjet në makinë kokainë dhe shuma parash, të cilat u sekuestruan nga policia.
Ariel Rraja është djali i Flamur Rrajës, vëllait të deputetit, i cili vazhdon të jetë në kërkim për dhunen e ushtruar bashkë me pjesëtarë të tjerë të fisit të tij ndaj dy vëllezërve Maja.
“A. Rr., 22 vjeç, banues në Nikël, Krujë, u arrestua pasi gjatë kontrollit fizik dhe kontrollit në automjetin që drejtonte, shërbimet e Policisë gjetën sasi lënde të dyshuar narkotike kokainë dhe shuma parash, të cilat u sekuestruan në cilësinë e provës materiale, së bashku me automjetin”, njofton policia.
