Agjencia e OKB-së për refugjatët palestinezë, UNRWA, thotë se 64 nga stafi i saj kanë mbetur të vdekur në Gaza gjatë luftës Izrael-Hamas.
Së fundmi një prej tyre, u vra dje së bashku me familjen, tetë fëmijët dhe gruan e tij, ndërsa ai ishte në shtëpi, tha zëdhënësja Juliette Touma për Newsday në BBC.
UNRWA thotë se 450 strehimoret që ata menaxhojnë në të gjithë Rripin e Gazës janë duke u mbipopulluar, me 670,000 njerëz që qëndrojnë në objektet e OKB-së në total.
“Ne kemi filluar të marrim raporte për sëmundje që përhapen si zgjebe dhe diarre. Duhet të ketë një armëpushim humanitar. Vendet që duhet të mbrohen janë goditur – kishat, xhamitë dhe objektet e OKB-së. Kështu që asnjë vend nuk është i sigurt. Gaza është kthyer shumë shpejt në një vrimë ferri”, thuhet në deklaratë
