Nga Jeremy Bowen-BBC
Izraelitët po luajnë një lojë të zgjuar në fushën e betejës së informacionit, e cila është shumë e rëndësishme në luftën moderne.
Ata po tregojnë shumë pak, dhe po nxjerrin vetëm pjesë të vogla të videove të modifikuara të operacioneve të tyre ushtarake. Izraelitët po e bëjnë këtë qëllimisht.
Videot nuk janë verifikuar, kështu që është tepër e vështirë të dihet saktësisht se ku janë xhiruar.
Mendoj se është shumë e qartë se ata po lëvizin ngadalë në Gaza, por duke ruajtur një intensitet të madh bombardimesh.
Nga hoteli ynë në Ashkelon në Izraelin jugor, mund të dëgjoni shpërthimet vazhdueshme, ndonjëherë deri në gjashtë herë në minutë.
Këto shpërthime ishin gjëja e fundit që dëgjova nga dritarja ime e hapur përpara se të shkoja në shtrat, dhe kur u zgjova rreth orës 06:00, dëgjova avionë luftarakë që bombardonin sërish.
Mendoj se është e rëndësishme të mos zhytemi shumë në semantikën e asaj që duhet quajtur operacion ushtarak izraelit.
Ky është një pushtim, por nuk është pushtim në të gjitha frontet.
Ata kanë nisur në veri të Rripit të Gazës dhe e kanë bërë të qartë se nuk do të largohen.
Më duket mjaft e qartë se ata po përpiqen të shkojnë drejt jugut, por jo në qytetin e Gazës – sepse kjo do të ishte një fushëbetejë urbane shumë e vështirë.
