Në SPAK u paraqit për të dytën herë brenda një jave kryebashkiaku i Kamzës Rakip Suli.
Me një dosje në krah të cilëve ua tregoi edhe gazetarëve në hyrje të Prokurorisë së posaçme, Suli tha se ishte aty për të dorëzuar disa dokumente në funksion të padisë së ngritur ndaj tij për akuzat e shpërdorimit të detyrës, korrupsion dhe shkelje të barazisë në tendera si për pastrimin e qytetit dhe fondet e rindërtimit.
Në thirrjen e parë atë të datës 6 nëntor, kryebashkikau i Kamzës mësohet të mos i jetë përgjigjur të gjitha pyetjeve të prokurorëve duke kërkuar kohë që t’i shoqëronte me dokumente veprimet e ndërmarra në ato çështje mbi të cilat po heton SPAK. Kallëzimi ndaj Sulit është bërë nga grupi i këshilltarëve të opozitës në bashkinë e Kamzës.
