“Qëllimi i Hamasit nuk është të drejtojë Gazën dhe t’i sjellë asaj ujë, energji elektrike dhe gjëra të tilla”, thanë zyrtarët e organizatës islamike palestineze për New York Times në një intervistë.
Qëllimi i tyre, argumentuan ata, është të “ndryshojnë të gjithë ekuacionin” dhe të ripërqendrojnë vëmendjen në çështjen palestineze.
Në aritmetikën e përgjakshme të komandantëve të Hamasit, masakra nuk është rezultati fatkeq. Përkundrazi, ata thonë: “Kjo është kostoja e nevojshme e një arritjeje të madhe – për të shkatërruar status quo-në dhe për të hapur një kapitull të ri, më të paqëndrueshëm në luftën e tyre kundër Izraelit”.
Ishte e nevojshme të “ndryshohej i gjithë ekuacioni dhe të mos kishte vetëm një konflikt”, tha Khalil al-Haya, një anëtar i udhëheqjes së lartë të Hamasit, për The New York Times në Doha, Katar.
“Ne ia dolëm ta kthenim çështjen palestineze në tavolinë dhe tani askush në rajon nuk ka paqe mendore”, shtoi ai.
“Qëllimi i Hamasit nuk është të drejtojë Gazën dhe t’i sjellë asaj ujë, energji elektrike dhe gjëra të tilla”, theksoi al-Haya, duke shtuar: “Kjo betejë nuk ishte sepse ne donim karburant ose punëtorë. Nuk po bëhet për të përmirësuar situatën në Gaza. Kjo betejë është për përmbysjen e plotë të situatës”.
Nga ana e tij, Taher El-Nunu, një këshilltar për media i Hamasit, tha: “Shpresoj që lufta me Izraelin të bëhet e përhershme në të gjithë kufijtë dhe se bota arabe do të qëndrojë pranë nesh”.
