Kryeministri Edi Rama mbërriti të premten në darkën zyrtare të thirrur nga Presidenti Emanuel Makron (o. Emmanuel Macron).
Shefi i qeverisë hyri në Pallatin Elize i shoqëruar nga bashkëshortja, Linda Rama.
Më pak se një muaj më parë, në Pallatin e Brigadave, ishte presidenti Makron i cili u ul në darkën e shtruar në nder të tij dhe për “miqtë e Francës”, për të dekoruar në Tiranë me titullin “Oficer i Lartë të Legjionit të Nderit” shkrimtarin shqiptar Ismail Kadare.
Gjatë ditës, kryeministri Rama mori pjesë në Forumin e Paqes në Paris, ku u trajtua tema “Kërcënimet dhe rreziqet, pikë kthese për paqen e sigurinë në hapësirën kibernetike”. Në Forumin e Paqes, u fol edhe për zhvillimet e fundit në Lindjen e Mesme.
Z. Rama gjatë qëndrimit në Paris foli sërish për marrëveshjen e refugjatëve të nënshkruar rishtas me Italinë. Rama tha se pavarësisht kundërshtimeve nga opozita në të dyja vendet, ai beson se marreshja me homologen italiane, Xhorxha Meloni (o. Giorgia) është e drejtë.
Gjithashtu në Forumin e gjashtë të Paqes i ftuar ishte edhe kryeministri i Kosovës, Albin Kurti
