Një krim i rëndë ka ndodhur në Volos në Greqi, pasi një 50-vjeçar shqiptar ka vrarë me armë gjahu kunatin e tij 33-vjeç, po shqiptar.
Në policia ai tha se e ka ekzekutuar pasi i ka përdhunuar vajzën e tij kur ka qenë në moshën 9-vjeçe. Mediat greke raportojnë se 50-vjeçari kishte lënë një takim me 33-vjeçarin mbrëmjen e së martës në zonën ‘Asteria’ të Agria, me një pretekst të parëndësishëm.
50-vjeçari ndërkohë kishte marrë armën e gjahut me vete. Sipas informacioneve, kur dy burrat janë takuar, ka pasur një mosmarrëveshje verbale dhe 50-vjeçari ka qëlluar me armë zjarri vëllain 33-vjeçar të gruas së tij, i cili mësohet se është gjetur me plagë në fytyrë dhe plagë me armë zjarri në gjoks.
Informacionet thonë se para të shtënave, autori e kishte goditur viktimën me tytën e armës në fytyrë.
Autoritetet policore kanë vazhduar me konfiskimin e armës së gjahut, ndërsa për viktimën është urdhëruar ekspertiza mjeko-ligjore.
