Ministri i Mbrojtjes, Niko Peleshi, ka publikuar pamjet nga operacioni i shpëtimit të dy turistëve zviceranë, të cilët mbetën të bllokuar për gjatë orëve të mbrëmjes në malin e Korabit.
“Pas përpjekjeve të përbashkëta të efektivëve tanë, policisë dhe #KFOR, të angazhuar në operacionin e shpëtimit të turistëve zviceranë është bërë e mundur tërheqja e tyre nga vendi ku ishin bllokuar.
Ata janë transportuar për ndihmë shëndetësore në Spitalin e Traumës”, shkruan Peleshi.
Kujtojmë se turistët u bllokuan në malin e Korabit, si pasojë e rënies së një orteku.
