Më 20 shkurt opozita e bashkuar do të zhvillojë një protestë kombëtarë. Datën e ka bërë të ditur ish-kryeministri Sali Berisha, i cili nga ballkoni i shtëpisë së tij ku ndodhet në arrest shtëpie u shpreh se kjo do të jetë dita kur do të dridhen themelet e pushtetit.
Berisha: Kjo është beteja e triumfit, kjo është beteja e atyre që e duan Shqipërinë në Evropë.
Të dashur miq, ka vetëm një rrugë drejt fitores, betejë pa kthim, mosbindje civile. Më 20 shkurt Shqipëria në Tiranë, në ditën anti-tirani, në ditën anti Edvin, në ditën kundër Edvinit, në ditën kundër dhunimit të votës.
20 shkurti është dita e triumfit tonë, është dita e dridhjes në themele të pushtetit të krimit, të pushtetit të drogës, të monizmit të Edi Ramës.
