Gentian Bejtja, një eksponent i njohur i botë së krimit është ekzekutuar me armë zjarri në oborrin e banesës së tij në Larushk.
Bejtja i ka shpëtuar më herët tre atentateve, ndërsa atentati i sotëm i mori jetën. Persona ende të panjohur kanë ekzekutuar Betjan në oborrin e banesës së tij, ndërsa pak minuta më vonë u gjet dhe një makinë e djegur në fshatin Hasan.
Kujtojmë se më 4 korrik 2023 Gentian Bejtja, një eksponent i njohur i botës së krimit, i shpëtoi për herë të tretë atentatit, ndërsa mbeti i vrarë kunati i tij Ramazan Sino (vëllai i gruas) dhe u plagosën dy djemtë e mitur. Atentati u shënua rreth orës 00:15 të 4 korrikut 2023, në oborrin e banesës së Gentian Bejtjas në fshatin Larushk, 20 km larg qytetit të Krujës. Ndërsa Valter Bami u arrestua dy ditë më pas, 6 korrik 2023 pasi në dorën e majtë të Bamit u konstatuan mbetje baruti.
