Policia financiare e Italisë ka zbuluar një mashtrim prej 600 milionë eurosh që përfshinte “kompani fantazmë” që kishin kërkuar dhe marrë fonde nga Plani i Rimëkëmbjes dhe Rezistencës të Italisë.
Hetimet u kryen nga prokuroria publike e Romës dhe policia financiare e Venecias, në bashkëpunim me forcat policore të Austrisë, Rumanisë dhe Sllovakisë dhe autoritetet gjyqësore europiane.
Sipas shtypit italian, janë lëshuar 23 urdhër-arreste dhe i gjithë ky mashtrim vjen për shkak të krimit të organizuar, i cili kishte arritur të anashkalonte rregullat e legjislacionit italian dhe atij europian, në mënyrë që anëtarët e tij të kërkonin financime në lidhje me Planin e Rimëkëmbjes.
