Milan-i ka konfirmuar zyrtarisht largimin e Stefano Pioli-t, duke i dhënë fund periudhës së tij pesëvjeçare në skuadër.
Trajneri 58-vjeçar italian mori drejtimin e kuqezinjve në tetor 2019, pas ecurisë së shkurtër dhe zhgënjyese nën drejtimin e Marco Giampaolo, i cili humbi katër nga shtatë ndeshjet e tij të para në krye të klubit.
Pioli ndihmoi të rivendoste njëfarë stabiliteti te Milan-i dhe i udhëhoqi ata drejt Scudetto-s së tyre të parë në një dekadë në sezonin 2021-22, duke marrë më të mirën nga lojtarët si Rafael Leao, Theo Hernandez dhe Fikayo Tomori. Ai gjithashtu e çoi klubin në gjysmëfinalen e Champions League në sezonin 2022-23.
Klubi i Milan-it ka njoftuar zyrtarisht përmes një deklarate se Pioli do të largohet nga drejtimi i ekipit të parë, post të cilin e mban që nga viti 2019.
“Milan falënderon nga zemra Stefano Pioli-n dhe të gjithë stafin e tij për drejtimin e Ekipit të Parë gjatë pesë viteve të fundit, duke siguruar një titull të paharrueshëm të Ligës dhe duke rivendosur praninë e vazhdueshme të Milan-it në kompeticionin më të lartë evropian”, thuhet në deklaratën e klubit kuqezi ndër të tjera.
Siç bëhet e ditur në një deklaratë të sotme, Milan-i dhe Pioli janë ndarë zyrtarisht, me trajnerin që do të lërë postin pas ndeshjes së fundit të sezonit kundër Salernitana-s më 25 maj.
