Ambasada e Britanisë së Madhe në Kosovë, ka mirëpritur konstituimin e Legjislaturës VII të Kuvendit të Kosovës teksa ka deklaruar se formimi i qeverisë së re është tejet i vonuar.
Sot në seancën konstituive të Legjislaturës VII kryeparlamentar u zgjodh Glauk Konjufca i Vetëvendosjes që mori edhe vota të LDK-së, me të cilën parti VV-ja nuk ka arritur deri tash që të sigurojë marrëveshjen për bashkëqeverisje.
“Ne mirëpresim konstituimin e Kuvendit të ri të Kosovës dhe urojmë kryeparlamentarin e ri Glauk Konjufca dhe nënkryetarët e rinj për zgjedhjet e tyre. Pothuajse tre muaj që nga mbajtja e zgjedhjeve parlamentare, formimi i qeverisë është tejet i vonuar”, thuhet në urimin e kësaj ambasade.
