Nga Isa Myzyraj
Në emër të mbështetjes për kombëtaren shqiptare të futbollit që po merr pjesë në Euro2024, bashkia e Tiranës e drejtuar nga Erion Veliaj duket se ka dhënë me koncension sheshin Skënderbej.
Reklamat e shumta për një FanZone ku të gjithë qytetarët do të mund të shohin ndeshjet në hapësira publike, nuk rezulton asgjë tjetër veçse një propagandë dhe një mundësi biznesi për korporatat e mëdha.
Faqet në rrjetet sociale të Bashkisë së Tiranës dhe të kryetarit Erion Veliaj janë mbushur me postime që reklamojnë FanZonë, që në fakt është reklamë për bizneset private që e kanë marrë në përdorim sheshin për një muaj derisa të përfundojë Euro2024.
Si qëndron e vërteta.
Uji me shumë lekë
Që në hyrje forcat e sigurisë do të bëjnë një kontroll, por për sigurinë e ambientit që mbledh qindra tifozë, por nëse dikush ka ujë dhe ushqim me vete.
Nëse një qytetar ka ujë ose ushqim me vete, ai nuk mund të hyjë brenda FanZone nëse nuk i hedh në kosh mbeturinash ato.
Pse bëhet kjo?
Është biznes. Brenda FanZone shiten ujë me çmim disa herë më të lartë sesa uji që mund të blihet pak metra larg sheshit në një kioskë ose në market.
Pavarësiosht temepraturave ekstreme që po mbizotërojnë këto ditë në Tiranë, uji duhet të blihet benda FanZone dhe jo jashtë.
Biznes edhe me internetin
Nuk ka rëndësi nëse ke një kontratë me kompanitë celulare, ose e ka paguar internetin në celular, e rëndësishmë është që brenda FanZone nuk mund të përdorësh internetin në apartin tuaj celular.
Edhe për këtë ka një zgjidhje.
Sapo hyn në FanZonë, komopania celulare të ofron internet me para që mund ta përdorësh brenda sheshit të kthyer në një zonë argëtimi.
Zona VIP, 50 euro
FanZonë edhe e diferencuar; Një hapësirë për popullin e thjeshtë dhe një tjetër për VIP (Very Important Person).
Por çdokush mund të jetë VIP brenda FanZone nëse paguan 50 Euro, në vendet e rezervuara me karrige dhe me një pamje sigursht më të mirë të ekranit të madh të vendosur në qendër të Tiranës, në një hapësirë publike që për 1 muaj do të sjellë miliona lekë fitime për bizneset.
Gjithsesi brenda FanZonë kanë nisur të organizohen edhe Schuma Party, dhe këtë e lajmëron vetë I pari i kryeqytetit Erion Veliaj!
