Kryeministri në detyrë, Ramush Haradinaj, duke kujtuar Mehë Ukën, ka thënë se i angazhuar për bashkimin dhe lirinë e shqiptarëve, ai tregoi vendosmëri e guxim, e aktiviteti i tij vazhdoi edhe pas shtatë viteve të burgut politik.
Haradinaj ka shkruar në Facebook se ai ishte bashkëthemelues dhe udhëheqës i Unionit Studentor të Universitetit të Prishtinës, për të vazhduar më tej në organizimin e UÇK-së, deri në mbrëmjen e 28 dhjetorit 1996, kur u përjetësua.
“Trimat e Shalës, mbajtën me krenari emrin e tij, në Brigadën 141, nderuan me luftë e beteja kujtimin e tij”, ka shkruar Haradinaj.
