Chelsea po kërkon me çdo kusht transferimin e një sulmuesi gjatë afatit kalimtar të verës.
Victor Osimhen ishte objektivi i londinezëve, por duke marrë parasysh kërkesat enorme të Napolit, Chelsea ka hequr dorë nga nigeriani.
Londinezët tani në krye të listës së dëshirave e kanë sulmuesin suedez Alexander Isak dhe për këtë janë të gatshëm të paguajnë shumë.
Në fakt Newcastle United po kërkon 135 milionë euro dhe Chelsea po dëshiron që të përfshijë tre futbollistë plus para për suedezin.
Chelsea është gati ta ofroj sulmuesin shqiptar Armando Broja te Newcastle United, por jo vetëm kaq.
Përveç shqiptarit londinezët janë gati t’i dërgojnë në St James Park edhe dy anglezët Conor Gallagher dhe Trevoh Chalobah.
Përpos tre futbollistëve që vlerësohen rreth 100 milionë, Chelsea mund të ofrojë edhe 30 milionë euro të tjera për të arritur te Isak. /
