Nga 11 skuadra nga të gjitha trojet të angazhuara në tre kupat europiane, në garë mbetën vetëm 7 ekipe shqiptare. Të gjitha do të luajnë në Conference League.
Egnatia kampione e Shqipërisë, Ballkani kampion i Kosovës, Deçiçi kampion i Malit të Zi dhe Struga kampione e Maqedonisë së Veriut u mposhtën në Champions dhe zbritën në nivelin e tretë të arenës ndërkombëtare.
Nga skuadrat e Superiores, vetëm Partizani kaloi turin e parë. Të kuqtë do të luajnë me gjeorgjianët e Iberias, ndërsa Egnatian e pret sfida me islandezët e Vikingur Rekjavik.
Nga ekipet e Superligës së Kosovës, në Islandë do të luajë edhe Drita. Skuadra nga Gjilani sifdon Breidablik-un. Ballkani do të luajë kundër maltezëve të Hamrun, ndërsa Llapin e pret sfida me danezët e Brondbi.
Deçiçi, skuadra shqiptare nga Tuzi që fitoi titullin në Malin e Zi do të luajë në turin e dytë të Conference League kundër gjeorgjianëve të Dinamo Batumit.
Ndërkohë, Struga, kampione në fuqi e Maqedonisë së Veriut do të ndeshet me armenët e Pyunik Yerevan.
Përballjet e para në turin e dytë të Conference League do të luhen të enjten e ardhshme, më 25 korrik. Ndërkohë, ndeshjet e kthimit janë parashikuar të zhvillohen në datën 1 gusht.
Turi i dytë i Conference League
Iberia 1999 – Partizani
Vikingur Reykjavik – Egnatia
Breiðablik – Drita Gjilan
Ballkani Suharekë – Hamrun Spartans
Brøndby – Llapi Podujevë
Dinamo Batumi – Decic Tuz
Struga- Pyunik Yerevan
