Autoritetet amerikane thanë se njeriu që tentoi të vriste ish-presidentin Donald Trump veproi i vetëm dhe nuk kishte asnjë tjetër të përfshirë.
Gjithashtu zyrtarët e FBI-së theksuan në një konferencë shtypi të mërkurën se një motiv për atentatin mbetet i panjohur dhe thanë se Thomas Crooks, sulmuesi 20-vjeçar, kishte një “përzierje ideologjish”.
Agjencia e zbatimit të ligjit përshkroi historinë e kërkimit të Crooks dhe publikoi foto të armës që ai përdori dhe mjeteve shpërthyese të improvizuara të gjetura në makinën e tij. Crooks u përpoq të qëllonte ish-presidentin në një tubim në Butler, Pensilvani, më 13 korrik. Ai plagosi Trump në vesh, vrau një burrë dhe plagosi rëndë dy të tjerë.
Kevin Rojek, kreu i zyrës së FBI-së në Pittsburgh, tha se Crooks filloi të kërkonte në internet për ngjarjet e fushatës Trump duke filluar nga shtatori 2023. Ai kërkoi për tubimet e Trump po ashtu edhe për tubimet e presidentin Joe Biden, i cili ishte ende kandidati demokrat në kohën e të shtënave. Ai gjithashtu kërkoi vendndodhjen e konventave kombëtare republikane dhe demokratike.
“Kur… tubimi i Trump u njoftua në fillim të korrikut, ai u përqendrua tepër në atë ngjarje specifike dhe e shikoi atë si një objektiv të mundësisë”, tha Rojek.
Në të njëjtën ditë, 20-vjeçari kërkoi se sa larg ishte atentatori Lee Harvey Osëald nga John F Kennedy kur veterani i marinës qëlloi për vdekje presidentin e SHBA në 1963. Crooks gjithashtu kërkoi “Nga do të flasë Trump në Butler Farm Shoë?”, vendi i tubimit. Historia e tij e kërkimit tregoi se ai ishte përpjekur të gjente gjithashtu udhëzime dhe përbërës për prodhimin e bombave, thanë autoritetet.
“Ne besojmë se subjekti është i përfshirë në planifikimin e detajuar të sulmit,” z. Rojek.
