Spanja, Norvegjia dhe Irlanda njohën zyrtarisht shtetin palestinez për të shtuar presionin ndërkombëtar ndaj Izraelit dhe për të zbutur sulmet e tij shkatërruese. Megjithatë Tel Avivi kritikoi masën diplomatike që nuk do të ketë ndikim të menjëhershëm në luftën e tij të ashpër në Gaza.
Kryeministri spanjoll Pedro Sánchez i tha kombit të tij në një fjalim televiziv nga Madridi se “ky është një vendim historik që ka një qëllim të vetëm dhe që është të ndihmojë izraelitët dhe palestinezët të arrijnë paqen”.
Ministri i Jashtëm izraelit, Israel Katz, sulmoi shpejt Spanjën në X, duke thënë se qeveria e Sanchez ishte “bashkëpunëtore në nxitjen e gjenocidit kundër hebrenjve dhe krimeve të luftës”.
Irlanda dhe Norvegjia së shpejti iu bashkuan Spanjës në zyrtarizimin e një vendimi që ata kishin shpallur së bashku javën e kaluar.
