Sekretarja e marrëdhënieve me publikun në PD, Jola Hysaj i është përgjigjur kritikave se në 12 qarqet nuk kishte asnje drejtuese politike grua nga PD.
Gjatë një interviste në EuroNews Albania, Hysaj është shprehur se, në PD gratë nuk përdoren për fasadë siç i përdor Rama, si kukulla.
Sipas saj, drejtuesit politik të qarqeve që ka zgjedhur PD, do të përballen me bandat e PS-së.
‘Duhet të kuptoni një gjë, 30% e grave në PD nuk janë lodra në duart e politikës shqiptare. Kjo do të thotë që nëse Rama i ka përdorur këto gra të partisë së tij, si fasadë dhe kukulla në partinë tonë, gratë nuk përdoren të tilla.
Normalisht kjo është arsyeja se pse në këtë lloj stadi ne përballemi kryesisht me bandat. Jo se nuk grua nuk arrin dot ta bëjë diçka të tillë, por këta njerëz që janë zgjedhur në këto 12 qarqe kanë eksperiencë shumë më të madhe në përballjen me këto banda’, u shpreh Jola Hysaj.
