Janë emëruar drejtorët e rinj të Policisë në 12 qarqet e vendit. 12 drejtorët e rinj në qarqe janë prezantuar në një konferencë nga ministri i Brendshëm Ervin Hoxhaj.
“Pas fazës së konkurrimit, aplikuar për herë të parë, kalojmë sot stafetën e drejtimit të 12 Drejtorive Vendore të Policisë së Shtetit, tek një brez i ri oficerësh me përvojë dhe integritet.
Duke u ofruar mbështetjen e plotë strukturave policore, çojmë para arritjet e deritanishme dhe prodhojmë më shumë siguri për qytetarët tanë”, u shpreh ministri.
Më tej, ai kërkoi nga drejtuesit e rinj të policisë të kenë një qasje më proaktive ndaj ankesave të qytetarëve.
“Ju kërkoj drejtuesve të rinj të policisë të kenë një qasje më proaktive ndaj ankesave të qytetarëve, por edhe shqetësimeve dhe problematikave që media ngre duke i trajtuar me seriozisht dhe paanshmëri”, tha ministri.
Tiranë – Elton Alushi
Durrës – Vilson Bala
Elbasan – Fatmir Hoxha
Shkodër – Fatmir Lleshaj
Lezhë – Altin Mena
Kukës – Gentian Berberi
Dibër – Artion Duka
Fier – Skënder Hita
Berat – Luigj Vathi
Vlorë – Elidon Çela
Korçë – Erion Ahmeti
Gjirokastër – Altin Merizaj
