Franca, Italia dhe Portugalia janë skuadrat që kërkojnë të sigurojnë një biletë në çerekfinalet e Nations League, ndërsa Anglia shpresonte rikthimi mes më të mirëve në Ligën A.
Me Spanjën kampione të Europës në fuqi dhe Gjermaninë, që janë kualifikuar mes tetë finalisteve, mbeten ende edhe dy ndeshje për të përcaktuar se cilat do të jenë skuadrat e tjera që do të plotësojnë këtë fazë.
Italisë dhe Portugalisë, të cilat ende nuk kanë pësuar humbje, do t’iu mjaftonte vetëm një pikë për t’u kualifikuar. Italia përballet me Belgjikën, e vetëdijshme se çdo rezultat përveç humbjes do ta kalonte në çerekfinale. Portugalia në anën tjetër pret Poloninë në shtëpi.
Në anën tjetër, Franca është e pozicionuar mirë në prag të ndeshjes me Izraelin. Ndeshja e kësaj të enjteje do të luhet nën masa të forta sigurie dhe me prezencë të lart të policisë. Te blutë nuk luan sërish Kylian Mbappe. Pasi humbi dy ndeshjet e tetorit dhe lajmit rreth akuzave për dhunë seksuale, zgjedhja për ta lënë jashtë kapitenin u morr nga trajneri Didier Deschamps.
Në Ligën B, Anglia është e detyruar të fitojë në Athinë përballë Greqisë, për t’u rikthyer mes më të mirëve. Helenët kanë ecuri perfekte dhe muajin e kaluar fituan 2-1 në “Wembley”. Në stolin e anglezëve debuton trajneri i përkohëshëm, Lee Carsley, përpara se drejtimin ta marrë Thomas Tuchel. Ai duhet të bëjë pa disa yje, si Declan Rice, Bukayo Saka, Cole Palmer, Phil Foden e Trent Alexander-Arnold.
