Edhe pse në fushën e spekulimit, The Sunday Times, që në titull ngre pikëpyetjen, nëse super miliarderi amerikan, Elon Musk, krahu i djathtë i presidentit të zgjedhur amerikan Trump, do i japë 100 milionë dollarë mikut të Trampit, Nigel Farage, njeriut që iniciojë dhe realizoj Brexit-in, për të formuar qeverinë e ardhshme në Britani.
Edhe pse laburistët dhe konservatorët shpresojnë që ky të jetë ‘fake news’, është fakt se Elon Musk ka kohë që i ka deklaruar luftë kryeministrit të ri laburist të qendrës së majtë, Sir Keir Stamer, njeriu më i pasur në botë mund të materializojë atë që ka shprehur: financimin për sjelljen në pushtet të partisë së Bre-xit, te riemëruar, Reforma.
Padyshim kjo parti në të djathtë të së partisë konservatore të qendrës së djathte që humbi zgjedhjet e fundit në Britani, gjasa më të mëdha ka të dëmtoj elektoralisht pikërisht konseravatorët. Kujtojmë se Elon Musk, manjati i Teslas dhe platformës X, tashmë anëtar i kabinetit të ardhshëm të administratës Trump, ishte financues i madh i fushatës elektorale të presidentit të zgjedhur Donald Trump.
Ky financim hipotetik, mund t’i hap dyert reklamave pa kufije dhe anti-qeveritare nga Partia Reforma e Nigel Farage. Nëse ky pompim financiar do materializohej, gjasat janë që kjo të bëhet përmes degës në Britani të kompanisë së medias sociale X, ish- Twitter, që zotëron Elon Musk, njeriu më i pasur në botë për t’ju shmangur rregullave që pengojnë financimin dhe donacionet nga jashtë të partive politikë në Britani.
Musk dhe Farage janë në rrethin e ngushtë të miqve të presidentit të ardhshëm Trump, dhe kjo shumë financiare e sugjeruar, edhe pse jo aq e madhe, ka gjasa të ndikojë në forcimin e pozicionit të kësaj partie dhe drejtuesit që disa e fajësojnë për situatën aktuale në Britani përmes Brexit dhe të tjerë e mbështesin.
Por ajo ka pak gjasa, që të ndryshoj apo përmbys, politikën dhe opinionet e britanikëve në të dy krahët e politikes tradicionale, pasi po te kishte qenë kaq e thjeshtë dhe e lehtë, ka pasur historikisht boll kundërshtar Britania, të cilëve nuk u kanë munguar pasuria për ta ndryshuar politiken dhe relievin politik të një nga demokracive më të lashta dhe më të konsoliduara në botë.
