Kryegjyshi i Bektashinjve, Haxhi Dedë Baba Mondi është pritur nga Papa Francesku në një takim të mbajtur në selinë e shenjtë në Vatikan.
Gazetari Ferdinand Samarxhi i cili ka qenë pjesë e takimit tha se Papa Françesku uroi dhe bekoi krijimin e shtetit sovran Bektashi.
Ky takim vjen në kuadër të 95-vjetorit të vendosjes së Kryegjyshatës Bektashiane në Shqipëri.
Mësohet se ata kanë firmosur bashkarisht Dokumentin e Vëllazërimit Njerëzor.
Ky i fundit njihet ndryshe si Deklarata e Abu Dhabit, e cila u bë publike në vitin 2019 e që ka si qëllim vendosjen e paqes në botë.
