Mediat e huaja kanë zbardhur detaje të reja për autorin që shkaktoi masakër në një shkollë në Suedi, duke lënë të vdekur të paktën 10 persona si pasojë e të shtënave me armë zjarri.
35-vjeçari suedez, Rickard Andersson ishte i papunë prej 10 vitesh dhe së fundmi, kishte ndryshuar emrin dhe mbiemrin.
Sipas mediave, 35-vjeçari ishte një njeri i izoluar dhe vuante nga probleme të shëndetit mendor.
Ai nuk e ka bërë ushtrinë sepse nuk kishte kualifikimet e shkollës së mesme. Megjithatë, 35-vjeçari kishte licencë për katër armë gjuetie.
Një nga këto armë gjuetie, sipas policisë lokale, ai e ka përdorur gjatë sulmit.
Para se të kryente masakrën, ai u fut në shkollë, e fshehu armën e tij në një kuti “në formë kitare” dhe ndërroi rrobat në banjën e shkollës.
