Ka vdekur kryetari i Shoqatës “Zëri i Prindërve”, Bajram Qerkini, pas një sëmundje që e mbajti shtrirë që disa muaj.
Lajmin e ka bërë të ditur Kushtrim Gara nga Komisioni qeveritar për të pagjeturit përmes një postimi në profilin e tij zyrtar në rrjetin social Facebook.
Varrimi i Qerkinit do të bëhet ditën e martë, në orën 12:00, në varrezat e qytetit në Shipol të Mitrovicës.
Bajram Qerkini jetoi çdo ditë me dhimbje në shpirt, pasi prej 26 vitesh nuk ka asnjë informacion për djalin e tij të zhdukur gjatë luftës në Kosovë.
