Bota
Kina vëzhgon me kujdes strategjinë e Presidentit Trump për Ukrainën, forcon lidhjet me Rusinë
Tre vjet pasi filloi agresioni i Rusisë kundër Ukrainës, Kina po vëzhgon me kujdes strategjinë e Presidentit të Shteteve të Bashkuara Donald Trump për t’i dhënë fund luftës. Ndërkaq, Pekini po llogarit lëvizjet e tij për t’u pozicionuar si një partner strategjik për Ukrainën, duke ruajtur një partneritet pa kufi me Rusinë, sipas ekspertëve dhe ish-zyrtarëve.
Kryeministri britanik Keir Starmer dhe Presidenti francez Emmanuel Macron gjatë kësaj jave do të kenë takime të ndara në Uashington, pas bisedimeve të drejtpërdrejta të 18 shkurtit mes zyrtarëve të lartë amerikanë dhe rusë në Riad të Arabisë Saudite, përcjell A2.
Presidenti Macron u takua me Presidentin Trump të hënën në Shtëpinë e Bardhë, një takim që zgjati gati dy orë. Të dy diskutuan përmes video lidhjes me udhëheqësit e tjerë të grupit të 7 vendeve më të zhvilluara të botës (G7) për Ukrainën.
Po ashtu të hënën, Presidenti kinez Xi Jinping foli me homologun rus Vladimir Putin, i cili e informoi Presidentin Xi mbi bisedimet e Riadit dhe ripohoi “partneritetin strategjik gjithëpërfshirës” midis Rusisë dhe Kinës. Një deklaratë e palës kineze tha: “Kina mirëpret përpjekjet pozitive të bëra nga Rusia dhe palët përkatëse për të zgjidhur krizën”.
Krizë, por jo luftë
Për tre vjet, zyrtarët kinezë kanë thënë se Pekini “do të luajë një rol konstruktiv” për të ofruar një “zgjidhje politike të krizës”, duke u përmbajtur nga përdorimi i termit “luftë e Ukrainës” për të përshkruar agresionin e Rusisë që nga 24 shkurti i vitit 2022.
Pekini gjithashtu vlerësoi pozitivisht bisedimet e fundit SHBA-Rusi, gjatë të cilave Ukraina nuk ishte e pranishme.
Kina dhe Ukraina “krijuan një partneritet strategjik në vitin 2011. Vitet e fundit, Kina ka qenë partneri më i madh tregtar i Ukrainës”, i tha Ministri i Jashtëm kinez Wang Yi homologut ukrainas Andrii Sybiha më 15 shkurt ndërsa merrnin pjesë në Konferencën e Sigurisë në Mynih.
“Për sa i përket krizës ukrainase… Kina ka punuar gjithmonë për paqen dhe ka kërkuar bisedime”, tha ministri Wang. Deklarata e Kinës, nuk përmendi sovranitetin, ose integritetin territorial të Ukrainës.
Më 20 shkurt, dy ditë pas bisedimeve SHBA-Rusi, ministri Wang mbajti takim me ministrin e Jashtëm rus Sergey Lavrov gjatë takimit ministror të G-20 në Johannesburg të Afrikës së Jugut. Zoti Lavrov e informoi homologun kinez për bisedimet në Riad. Zoti Wang ripohoi “partneritetin strategjik gjithëpërfshirës” të Kinës me Rusinë.
Ministri Wang tha se Kina “mbështet” të gjitha përpjekjet për paqe, duke përfshirë “konsensusin e fundit të arritur mes Shteteve të Bashkuara dhe Rusisë” në Riad.
Bisedime, jo negociata
Sekretari amerikan i Shtetit Marco Rubio tha se bisedimet në Riad, të parat mes Uashingtonit dhe Moskës ndër vite, nuk ishin negociata që synonin arritjen e ndonjë marrëveshjeje për Ukrainën, pavarësisht shqetësimeve nga Kievi dhe vendet evropiane se ato po anashkaloheshin.
Ai tha se bisedimet kishin për qëllim të përcaktonin nëse rusët ishin seriozë për përfundimin e luftës.
Me një ton të matur, Sekretari Rubio i karakterizoi bisedimet, që zgjatën për më shumë se katër orë, si hapa drejt vendosjes së “linjave të komunikimit” për çështjet dypalëshe mes Shteteve të Bashkuara dhe Rusisë. Në kuadër të këtyre përpjekjeve është qëllimi për të arritur “njëfarë normaliteti në misionet tona dhe aftësinë e tyre për të funksionuar”.
Disa analistë thanë se Pekini është i shqetësuar për ngrohjen e marrëdhënieve SHBA-Rusi.
“Ndërsa një afrim i plotë ende mund të mos jetë në plan, ata janë të shqetësuar sepse nëse Presidenti Trump heq sanksionet ndaj Rusisë, atëherë varësia e Moskës nga Kina zvogëlohet”, tha për Radion Evropa e Lirë Dennis Wilder, këshilltar i Shtëpisë së Bardhë për Kinën gjatë administratës së Presidentit George W. Bush.
Ndërkaq, ekspertë të tjerë paralajmëruan se me qëndrimin e tij Uashingtoni rrezikon të forcojë propogandën e Kinës, që e portretizon Uashingtonin si një aleat jo të besueshëm.
Admirali amerikan në pension Mark Montgomery, analist i mbrojtjes në Fondacionin për Mbrojtjen e Demokracive (FDD) me bazë në Uashington tha: “Ne humbëm menjëherë avantazhin që mund të kishim” dhe “përcaktuam gabimisht se kush ishte agresori” ndërsa u nxituan në bisedime me rusët.
Kina, “e ndeshur me këtë lajm të mirë”, sigurisht që po merr përfitimin, tha zoti Montgomery në një konferencë të organizuar nga FDD.
“Nuk kam asnjë dyshim se diplomatët nga Kina po u pëshpërisin të tjerëve në mbarë botën për pabesueshmërinë e amerikanëve dhe për fat të keq, kjo administratë po u jep atyre disa argumente për këtë”, tha zoti Bradley Bowman drejtor i Qendrës për Fuqinë Ushtarake dhe Politike në FDD, gjatë konferencës.
Ekspertët skeptikë
Një zëdhënës i Ministrisë së Jashtme kineze nuk pranoi të komentonte nëse Kina do të shqyrtonte dërgimin e forcave paqeruajtëse në Ukrainë pas përfundimit të konfliktit.
Presidentët Xi dhe Putin kanë planifikuar të shkëmbejnë vizita në Moskë dhe Pekin, më vonë gjatë këtë viti. Të dy zhvilluan një takim virtual më 21 janar. Presidenti Xi gjithashtu bisedoi në telefon me homologun rus Putin pasditen e 24 shkurtit.
Disa ish-zyrtarë amerikanë janë skeptikë për shkallën në të cilën qeveria kineze është vërtet e gatshme të veprojë për të ndaluar luftën e Rusisë kundër Ukrainës. Ata besojnë se Kina mund ta përdorë këtë çështje për avantazh në marrëdhëniet e saj me Presidentin Trump.
“Unë mendoj se kinezët kur bëhet fjalë për Ukrainën do t’i ofrojnë pak ndihmë zotit Trump. Ata nuk do të bëjnë shumë dhe më pas do të pretendojnë se kanë arritur sukses”, tha Evan Medeiros, drejtor i programeve të Studimeve Aziatike në Universitetin ‘Georgetown’.
“Çdo gjë që është në interesin e tyre, si për shembull ndihma për rindërtimin e Ukrainës, ata do ta pranojnë. Megjithatë, kjo nuk ka të bëjë me nxitjen e Rusisë për të arritur paqe. Kjo ka të bëjë me atë që kompanitë e tyre të infrastrukturës të sigurojnë kontrata të mëdha”, shtoi zoti Medeiros./ Zëri i Amerikës
Autoritetet shëndetësore në Shtetet e Bashkuara kanë lëshuar një paralajmërim urgjent pasi mijëra pasagjerë mund të jenë ekspozuar ndaj fruthit, sëmundjes më ngjitëse në botë, në aeroportin ndërkombëtar Neëark Liberty në New Jersey.
Sipas Departamentit të Shëndetësisë të New Jersey-t (NJDOH), një person i infektuar, jo rezident i këtij shteti, ka udhëtuar nëpër terminalet B dhe C më 19 dhjetor, mes orës 07:00 dhe 19:00, gjatë kulmit të udhëtimeve festive.
Zyrtarët paralajmërojnë se vendndodhja e saktë e personit nuk dihet, ndërsa po kryhet gjurmimi i kontakteve. Personat e ekspozuar mund të shfaqin simptoma deri më 2 janar 2026. Fruthi shfaqet me temperaturë të lartë, kollë, rrjedhje hundësh, sy të skuqur dhe skuqje të lëkurës, ndërsa mund të shkaktojë ndërlikime të rënda, si pneumonia dhe encefaliti.
Sipas CDC-së, në SHBA janë regjistruar mbi 2000 raste fruthi gjatë vitit 2025 dhe tre viktima, duke e bërë këtë shpërthimin më të madh që nga viti 1992.
Ekspertët fajësojnë rënien e normave të vaksinimit, duke theksuar se vaksina MMR mbetet mjeti më efektiv për parandalimin e sëmundjes. Autoritetet u bëjnë thirrje qytetarëve të vaksinohen dhe të kontaktojnë mjekun para çdo vizite shëndetësore në rast dyshimi për ekspozim.
Presidenti ukrainas Volodymyr Zelensky ka prezantuar një plan me 20 pika për t’i dhënë fund luftës me Rusinë, të cilin e ka cilësuar si “përpjekjen më të mirë” për arritjen e paqes. Drafti, i diskutuar së fundmi me përfaqësues të SHBA-ve dhe i paraqitur edhe ish-presidentit amerikan Donald Trump, konsiderohet rreth 90% i përfunduar, por mbetet ende i hapur për disa çështje kyçe.
Plani përfshin një sërë masash që synojnë stabilizimin e situatës në Ukrainë dhe parandalimin e një përshkallëzimi të ri të konfliktit.
Çfarë parashikon plani?
Mes pikave kryesore janë ngrirja e vijës së frontit, krijimi i një ushtrie të fuqishme ukrainase prej rreth 800 mijë trupash, e mbështetur financiarisht nga partnerët perëndimorë, si dhe vendosja e garancive të forta të sigurisë, të ngjashme me nenin 5 të NATO-s.
Gjithashtu, parashikohet anëtarësimi i Ukrainës në Bashkimin Europian, me kërkesën që të përcaktohet një afat i qartë për këtë proces. Kievi kërkon që kjo të jetë një garanci politike dhe strategjike për të ardhmen e vendit.
Siguria dhe garancitë ndërkombëtare
Plani përfshin një marrëveshje dypalëshe sigurie me Shtetet e Bashkuara dhe mbështetje ushtarake nga vendet evropiane, përfshirë mbrojtjen ajrore, tokësore dhe detare. Gjithashtu, parashikohet krijimi i një mekanizmi monitorimi për të shmangur rifillimin e luftimeve dhe për të garantuar respektimin e marrëveshjes.
Një tjetër element i rëndësishëm është lirimi i të gjithë robërve të luftës dhe civilëve të ndaluar, si dhe organizimi i zgjedhjeve pas arritjes së një marrëveshjeje paqeje.
Donbasi, nyja më e ndërlikuar
Rajoni i Donetskut mbetet pika më e vështirë e negociatave. Kievi refuzon çdo skenar që parashikon dorëzimin e territoreve të pushtuara dhe propozon krijimin e një zone të çmilitarizuar, ku të dyja palët të tërhiqen dhe siguria të garantohet nga forca ndërkombëtare.
Çështja e Zaporizhzhias
Një tjetër pikë e ndjeshme është centrali bërthamor i Zaporizhzhias, aktualisht nën kontroll rus. Zelensky propozon që ai të funksionojë si një “joint venture” mes Ukrainës dhe Shteteve të Bashkuara, me administrim të përbashkët dhe mbikëqyrje ndërkombëtare. Sipas tij, kjo do të garantonte sigurinë energjetike dhe do të shmangte rreziqet e një aksidenti bërthamor.
Qëndrimi i Moskës
Nga ana tjetër, Moska ka reaguar me tone të ashpra. Presidenti rus Vladimir Putin ka deklaruar se Perëndimi po përpiqet ta detyrojë Ukrainën të pranojë kushte të pafavorshme, ndërsa ka paralajmëruar se Rusia do të vazhdojë operacionet ushtarake nëse nuk arrihet një marrëveshje “e pranueshme”.
Putin ka theksuar se kontrolli i plotë i rajonit të Donetskut mbetet një nga objektivat strategjikë të Rusisë, duke e konsideruar atë një zonë kyçe për sigurinë dhe interesat e saj.
Kremlini tha se pajtohet me Presidentin e SHBA-së, Donald Trump, se bisedimet për t’i dhënë fund luftës në Ukrainë janë në fazën përfundimtare.
I pyetur nga gazetarët nëse Moska ndan vlerësimin e Trump pas bisedimeve me Presidentin ukrainas Volodymyr Zelensky, zëdhënësi i Kremlinit Dmitry Peskov u përgjigj: “Sigurisht”.
Peskov refuzoi të komentojë mbi idenë e një zone të lirë ekonomike në Donbas ose mbi të ardhmen e termocentralit bërthamor Zaporizhzhia, i cili kontrollohet nga Rusia, duke thënë se Kremlini e konsideronte të papërshtatshme.
“Për momentin, nuk e konsiderojmë të nevojshme të japim detaje”, tha ai.
Sipas tij Ukraina duhet të tërheqë trupat e saj nga pjesa e Donbasit që ende e kontrollon nëse dëshiron paqe dhe se nëse Kievi nuk arrin një marrëveshje, atëherë do të humbasë edhe më shumë territor.
Putin dhe Trump folën të dielën përpara takimit të Trump në Miami me Presidentin ukrainas Volodymyr Zelenskiy. Zëdhënësi i Kremlinit Dmitry Peskov tha se një tjetër telefonatë ishte planifikuar shumë shpejt.
Këta janë 10 kandidatët më të votuar në Vetëvendosjes
Mijëra vetë të ekspozuar ndaj fruthit, alarm në një prej aeroporteve më të ngarkuar në botë
Kryetari shqiptar i komunës së Morbachut bëhet viral në Gjermani
Bujqësia po e humb peshën e saj në ekonomi, sektori në rënie të lirë
Berisha uron Kurtin për fitoren: Zgjedhjet, një sukses i vërtetë i demokracisë në Kosovë!
BE pret formim të shpejtë të institucioneve të reja të Kosovës
Zbulohet pas 12 vitesh, çfarë tha Michael Schumacher para se të aksidentohej
Ish-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
20 pikat e Zelenskyt për t’i dhënë fund luftës, Rusia kundër!
FOTO/ Nëna me dy fëmijët humbën jetën në një zjarr tragjik në Angli
Autoboti i pastrimit të ujërave të zeza, po shpërndan ujë për qytetarët në Vlorë
Strakosha në formë të jashtëzakonshme, AEK-u gjen stabilitet. Garanci edhe për Kombëtaren
I dhanë mundësinë të krijojë qeverinë pa opozitën, Kurti mesazh falënderues për të gjithë votuesit e LVV: U jemi mirënjohës përjetë
Vlora 4 ditë pa ujë, kryetarja e bashkisë: Defekti, fatkeqësi natyrore. Ujësjellësi s’është në varësinë tonë, protestën po e bën opozita
Peskov: Rusia pajtohet me vlerësimin e Trump, bisedimet në fazën përfundimtare
U kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
FOTO/ Nëna me dy fëmijët humbën jetën në një zjarr tragjik në Angli
Shqiptari në Britani shpëton nga deportimi pasi “partnerja nuk i flet shqip”
Ish-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
Rrëzohet aeroplani në Britani, alarm në aeroportin Southend në Londër
Hetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
Princi William dhe Kate Middleton vendosën vijë sigurie 9.6km rreth rezidencës së tyre të re, reagojnë banorët e zonës: Masa të tepruara dhe pa konsultim
Anomalia e buxhetit, 2 miliardë euro shpenzime në dhjetor
“Katolikët monitoroheshin, myslimanët përgatitnin ushqimet për ta” – si festoheshin Krishtlindjet në komunizëm në Shqipëri
Këta janë 10 kandidatët më të votuar në Vetëvendosjes
Spitalet paralajmëruan se kriza e kujdesit në fund të jetës kërcënon trajtimin
Përplasjet kufitare Taxhikistan-Taleban: Çfarë fshihet pas tyre, pse ndikojnë në Kinë?
Disidenti egjiptian kërkon falje për tweets, ndërsa konservatorët kërkojnë dëbim nga Mbretëria e Bashkuar
Titujt e gazetave në UK
-
Albania15 hours agoU kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
-
UK14 hours agoFOTO/ Nëna me dy fëmijët humbën jetën në një zjarr tragjik në Angli
-
Albania2 days ago
Shqiptari në Britani shpëton nga deportimi pasi “partnerja nuk i flet shqip”
-
Sports13 hours agoIsh-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
-
UK2 days ago
Rrëzohet aeroplani në Britani, alarm në aeroportin Southend në Londër
-
Albania15 hours agoHetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
-
Albania1 day ago
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
-
UK1 day agoPrinci William dhe Kate Middleton vendosën vijë sigurie 9.6km rreth rezidencës së tyre të re, reagojnë banorët e zonës: Masa të tepruara dhe pa konsultim