Një sulm si ai i Salisburyt nuk duhet të përsëritet më, ishte paralajmërimi që kryeministri britanik, Boris Johnson i bëri presidentit rus, Vladimir Putin gjatë punimeve të konferencës së Berlinit për Libinë duke iu referuar sulmit kimik në Salisbury.
Johnson bëri të qartë se nuk kishte pasur ndonjë ndryshim në pozicionin e Britanisë së Madhe ndaj Salisburyt, ku u përdor gaz kimik në përpjekje për të vrarë njerëz të pafajshëm në tokën britanike.
”Nuk do të ketë normalizim të marrëdhënieve tona bilaterale derisa Rusia t’i japë fund aktiviteteve destabilizuese që kërcënojnë Britaninë e Madhe dhe aleatët dhe minojnë sigurinë e qytetarëve tanë”, deklaroi Johnson.
