Komuna e Ulqinit në Mal të Zi, prej vitesh shqipfolëse, pas librarisë në shqip, kinemave e festivaleve që jehojnë shqip, hap thirrjen ndërkombëtare për skulptorët. kërkojnë ide sa më kreative për realizimin e një shtatoreje të heroit tonë kombëtar, Gjergji Kastrioti Skënderbeut.
Drejtuesit e komunës kanë përcaktuar tanimë edhe vendin ku shtatorja do të vendoset, Gjergj Kastrioti Skënderbeu do të duhet të qëndrojë krenar në bulevardin që mban edhe emrin e heroit tonë kombëtar.
Këtë pranverë pritet të zgjidhet projekti artistik fitues që do të vlerësohet dhe votohet nga 5 anëtarë jurie, të cilët edhe pse do të zgjedhin vetëm një prej tyre për të realizuar, do të shpërblejnë financiarisht edhe dy idetë e tjera më të mira, për artistët që kanë kohë të bëhen pjesë e këtij misioni artistik deri më 29 prill kur është edhe afati i fundit i dorëzimit të ideve kreative.
