Koreja e Veriut zotëron më shumë bitcoin se çdo vend tjetër në botë, me përjashtim të Shteteve të Bashkuara dhe Mbretërisë së Bashkuar.
Kështu raporton “Binance Neës”, platforma e lajmeve e gjigantit global të këmbimit të kriptovalutave Binance, sipas të cilit Pheniani ka akumuluar asete prej 13,562 bitcoin, me vlerë 1.14 miliardë dollarë, përmes vjedhjeve të kriptomonedhave të kryera nga hakerat e tij.
Sipas një raporti të publikuar kohët e fundit, hakerat nga Koreja e Veriut kanë vjedhur më shumë se 400 milionë dollarë në asete digjitale, gjatë 7 sulmeve kibernetike vetëm në vitin 2021.
Hakerat dyshohet se kanë përdorur teknika të ndryshme për të ndërhyrë në portofolet “e nxehta” me para digjitale për t’i transferuar ato më pas në Korenë e Veriut.
Grupi Lazarus u bë i njohur rreth një dekadë më parë kur u akuzua për hakmarrje ndaj kompanisë amerikane të prodhimit Sony Pictures Entertainment, në shenjë hakmarrjeje për publikimin e filmit “Intervieë”, i cili përqesh liderin e Koresë së Veriut Kim Jong-un.
Besohet gjithashtu të fshihet pas vjedhjes së monedhave Ethereum prej 620 milionë dollarësh nga Ronin Netëork në vitin 2022, asokohe konsiderohej vjedhja më e madhe e kriptomonedhave në histori.
Në dhjetor, Shtetet e Bashkuara dhe Japonia e akuzuan atë për vjedhjen e më shumë se 300 milionë dollarëve kriptomonedha nga shkëmbimi japonez DMM Bitcoin.
Ethereum është kriptomonedha e dytë më e madhe në botë për nga kapitalizimi i tregut.
