Skuadra shqiptare Tërnoci u terrorizua nga policia serbe të dielën në Bosilegrad. Lojtarë të ekipit nga Bujanoci u dhunuan dhe bastisën.
Sfida e ligës rajonale të Pçinjës u ndërpre në minutën e 88’ ku Mladosti vendas udhëhiqte me rezultatin 2 – 1.
Një polic sulmoi një nga lojtarët e Tërnoci dhe më pas nisën kontrollet në dhomat e zhveshjes me pretendimin se futbollistët shqiptarë kishin armë të ftohta me vete.
Më pas ata janë shoqëruar në stacionin policor të qytetit, por sipas një reagimi të Klubit të Futbollit Tërnoci nuk i është marrë asnjë deklaratë rreth dhunës së ushtruar ndaj tyre.
KF Tërnoci është ankuar në Federatën Serbe të Futbollit për këtë ngjarje.
