Kryetari i Prokurorisë së Posaçme Altin Dumani tha se gjatë vitit 2024 është vënë re rënie e numrit të kallëzimeve nga Policia e Shtetit, shkruan A2 CNN.
“Kallëzimet e nisura nga qytetarët janë tregues i rritjes së besimit ndaj SPAK. Ndërsa vihet re ulje e numrit të kallëzimeve nga Policia e Shtetit”, tha Dumani .
Dumani dha edhe shifra lidhur me hetimet dhe pasuritw e sekuestruara. “Numri i të burgosurve nga hetimet e SPAK zë 9.5% të totalit të të burgosurve. Kemi 145 çështje me 765 persona të pandehur, për 91 çështje vazhdon gjykimi”, tha Dumani.
“Krahasuar me vitin 2023 vlera totale e pasurive të sekuestruara dhe konfiskuara ka një rritje me 59%. Vlera e pasurive të sekuestruara 28.7 milionë euro, të konfirmuara 36,7 milionë euro”, shtoi ai.
