Ambasada e SHBA-ve në vendin tonë ka publikuar mesazhin e zëvendëspresidentit amerikan J.D. Vance, i cili ka thënë se “nuk duhet të kemi frikë prej qytetarëve tanë edhe atëherë kur ata shprehin pikëpamje që nuk pajtohen me udhëheqësit e tyre”.
Me anë të një postimi në Facebook, ambasada teksa citon J.D. Vance shkruan se “të besosh në demokraci do të thotë të kuptosh se secili prej qytetarëve tanë ka mençuri dhe ka një zë”.
“Të besosh në demokraci do të thotë të kuptosh se secili prej qytetarëve tanë ka mençuri dhe ka një zë.
Ne nuk duhet të kemi frikë prej qytetarëve tanë, edhe atëherë kur ata shprehin pikëpamje që nuk pajtohen me udhëheqësit e tyre, ka thënë zv.presidenti i Shteteve të Bashkuara J.D. Vance, mesazh që është publikuar edhe nga ambasada e SHBA-ve.
Ky mesazh i zv. presidentit të SHBA vjen vetëm disa ditë larg nga zgjedhjet e 11 Majit, ku qytetarët shqiptarë do t’i drejtohen kutive të votimit për të shprehur me votë vullnetin e tyre dhe për të zgjedhur forcën politike të cilën dëshirojnë që t’i qeverisë për 4 vitet e ardhshme.
