Kryetari i Lëvizjes Shqipëria Bëhet, Adriatik Lapaj, thotë se protesta e tij dhe mbështetësve të tij te Kryeministria, do të vazhdojë edhe në natën e ndërrimit të viteve.

“Krishtlindjet i hëngrëm këtu. Nesër Vitin e Ri, besoj, të jemi mirë me shëndet, do ta konsumojmë këtu dhe unë them që do jemi këtu gjatë dhe do rezistojmë për të dhënë një model proteste qëndrese”, tha Lapaj për A2 CNN.

Sipas tij, ky model do të bindë njerëzit të shtohen edhe më shumë në shesh, pas Vitit të Ri.

“Ata që thoshin “Ku janë numrat?”, ditën e shtunë besoj e morë një mesazh të qartë. Nuk ishin jashtëzakonisht shumë, po ishin shumë në raport me atë që nisi. Të mbledhësh sot 2000 qytetarë të lirë pa i detyruar, pa i marrë me kërcënim, pa i marrë me para, pa u ofruar vende pune dhe t’u ngjallësh shpresën, është një fillim i mirë dhe unë mendoj që ditën e diel do jemi shumë dhe mendoj që kjo që ka nisur do të përkthehet në një reagim të madh popullor në vazhdim përballë këtij regjimi hajdutësh me në krye Edi Ramën”,- është shprehur Lapaj.

Advertisement

---

MONEYGRAM

Ky që shihni në foto është autori i dyshuar i abuzimit të 12-vjeçares në Pogradec.

Rushan Selko është identifikuar dhe arrestuar nga policia rreth ngjarjes së rëndë.

Një 12-vjeçare pas një vizite në spitalin e Korçës, ka rezultuar shtatzënë, rreth 22 javëshe.

Sipas informacioneve paraprake, dyshohet se e mitura është abuzuar seksualisht me forcë nga një i moshuar me njohje familjare me familjen e të miturës.

Advertisement

---

MONEYGRAM

Rasti është evidentuar pasi vajza kishte ndryshime fizike, çka detyroi prindërit ta çonin në spital për ekzaminim. Pas vizitës u konfirmua se e mitura ishte shtatzënë.

Mësohet se i moshuari, i dyshuar rreth 70 vjeç, e ka kërcënuar vazhdimisht të miturën për të mos treguar ngjarjen, ndërsa policia ka bërë arrestimin e këtij të fundit.

Aktualisht po kryhen veprimet hetimore dhe po merren në pyetje familjarët, ndërsa vajza ka pranuar ngjarjen në prani të psikologut.

Advertisement

---

MONEYGRAM

Vajza është nga fshati Piskupat i Pogradecit ndërsa dyshohet se i moshuari e ka përdhunuar në banesën e tij.

Analisti Ervis Iljazaj ishte i ftuar në emisionin “Now me Erla Mëhillin” në Euronews, ku u analizuan ngjarjet që shënuan vitin 2025. Sipas Iljazajt, ky vit mund të cilësohet si viti i betejës mes politikës dhe drejtësisë. Ai theksoi se, nëse do të duhej të përcaktohej një “personazh i vitit”, ai nuk do të ishte një individ i vetëm, por struktura e SPAK-ut.

“Ky vit nisi me një arrestim të bujshëm, atë të Erion Veliajt, dhe u mbyll me një kërkesë për arrestimin e një personi tjetër të rëndësishëm në Shqipëri. Nëse do të më duhej të zgjidhja njeriun e vitit, do të zgjidhja jo një person, por SPAK-un si strukturë”, u shpreh Iljazaj.

Ai vlerësoi se SPAK ka kryer punën e tij dhe se fakti që sipas tij në vend ka korrupsion nuk është përgjegjësi e këtij institucioni. Sipas tij, kritikat për “protagonizëm të tepruar” ndaj SPAK-ut nuk janë të drejta, pasi ky protagonizëm lidhet me kontekstin politik dhe klasën politike në Shqipëri.

Iljazaj theksoi gjithashtu se, për herë të parë, edhe sipas sondazheve të realizuara nga Euronews, SPAK rezulton si institucioni më i besueshëm në vend. 

Advertisement

---

MONEYGRAM

“Unë gjykoj se SPAK ka qenë në punën e vet. Fakti që këtu ka korrupsion nuk është faji i tyre dhe nuk do të thotë që ata duhet të ndalojnë apo të marrin më pak protagonizëm. E dëgjoj shpesh këtë diskutim se SPAK ka shumë protagonizëm, por kjo nuk është për faj të tyre; është për faj të kontekstit ku jetojmë, politikës dhe klasës politike që kemi. Për herë të parë këtë vit, edhe nga sondazhet që ka bërë Euronews, rezulton se kemi një strukturë të drejtësisë që është institucioni më i besueshëm në Shqipëri. Kjo nuk ka ndodhur kurrë më parë. Përkundrazi, gjatë gjithë tranzicionit, institucionet e drejtësisë janë cilësuar si ndër më të korruptuarat. Nëse hapim të gjitha sondazhet dhe raportet nga vitet ’90 e deri më sot, institucionet që perceptoheshin si më të korruptuarat ishin ato të drejtësisë. Këtë vit ky raport është përmbysur plotësisht. A është ky një gjykim plotësisht objektiv dhe i saktë, kjo mbetet për t’u diskutuar, por sondazhet tregojnë këtë realitet: për herë të parë në Shqipëri kemi një institucion drejtësie që është më i besueshmi”, tha ai.

Në përfundim, Iljazaj nënvizoi se, pavarësisht protagonizmit të madh publik, SPAK ka bërë punën e tij dhe, sipas tij, struktura e posaçme antikorrupsion duhet të konsiderohet “personazhi i vitit 2025”.

“SPAK ka pasur një protagonizëm jo normal, por ama ka bërë punën e tij. Për mua, njeriu i vitit është kjo strukturë, nëse do të zgjedhim personazhin e vitit”, përfundoi Iljazaj.

Advertisement

---

MONEYGRAM