Kairat Almaty, Pafos dhe Bodo Glimt siguruan pjesëmarrjen në fazën e grupeve të Champions League për herë të parë në histori.
Vendosmëria e këtyre skuadrave solli këtë kualifikimin. Ekipi kazak Kairat eliminoi Celtic pas goditjes së 11-metërshave në sfidën e play off. Të dy takimet si ai në Gllazgou dhe ai në Alamati u mbyllën pa gola. Futbollistët e Kairat Almaty gabuan më pak te penalltitë.
Pafos, një skuadër e themeluar vetëm 11 vite më parë, eliminoi Crvena Zvezda pas barazimit 1 – 1 në sfidën e kthimit në Qipro.
Përballja e parë në Beograd u fitua me rezultatin 2 – 1 nga qipriotët. Në takimin e djeshëm pati një incident pasi tifozët e Pafos shfaqën një parullë:
“Kosova është Serbi”, madje nuk munguan edhe thirrjet edhe nga mbështetësit serbë.
Ekipi norvegjez Bodo Glimt pas arritjes deri në gjysmëfinalen e Europa League sezonin e kaluar do të debutojë në grupet e Champions.
Pas fitores 5 – 1 në takimin e parë me Sturm Graz, humbja 2 – 1 në sfidën e kthimit në Austri nuk ndikoi. Me ndeshjet që do të zhvillohen sot do të plotësohen 36 ekipet pjesëmarrëse në fazën e grupeve të Champions League.